رواية عائلة مجنونة الفصل الثاني 2 بقلم ملك يسري
Part 2 (من عائلة مجنونة)
عمر بعصبية: جاى اخد روحك ي ملك بقا انا تعبان وقولتلك روحى هناك.
ملك: انت عايز نتى اى ي ابن سهير.
عمر بصدمة: ابن سهير هيطلع عينك النهاردة وبعدين خدى هنا نزلتى ازاى من الشقة وانا قافل عليكى ب المفتاح.
ملك واتكلمت ب استفزاز: ركبت جناحين وفضلت اطير اطير لحد ماجيت اوضتى حبيبتى.
عمر وضحك ب استهزاء: ويترى بقا الجناحين بتوعك اسمهم رمضان البواب.
ملك بتوتر: انت مالك انت ومال عم رمضان حبيبي.
عمر ومسكها من شعرها: بتقولى اى ي بنت هدى.
ملك وبصتله بمسكنه: مش ههون عليك صح.
عمر بسخرية: لاء تهونى عادى.
ملك ومسكت قميصه بدلع: ماهو انت ي حبيبي لو عملتلى حاجة اكيد هصوت واعيط وجدى هيسمع وهيزعل وممكن لا قدر الله يتعب.
عمر وبعدها عنه: مع انى مش طايقك بس كلامك صح يالاا علشان ننزل نتغدى.
ملك اتنهدت براحة وابتسمت ب خبث.
عمر: صح ياريت متدلعيش تانى شكلك معفن.
سابها ونزل واتحولت ابتسامتها ل غيظ وعصبيه.
ملك: رخمممم.
....................................................................
سليمان الجد: الف سلامة عليك ي ادهم ي حبيبي.
ادهم: الله يسلمك ي جدى.
سليمان: تاخد اجازة بقا لحد ما تبقا كويس.
ادهم بنفى: مش هعرف ي جدى الشركة فيها صفقات مهمة الفترة دى ولازم اخد بالى منها.
سليمان بتفكير: خلاص موافق بس بشرط.
ادهم: اى هو.
سليمان: لحد ماتبقى كويس دنيا هتروح وتيجى معاك اى مكان تروحه وتخلى بالها منك تخلص محاضرتها والسواق يوصلها الشركة عندك.
ادهم وبص ل دنيا اللى باصة ف طبقها وبتاكل ب هدوء.
ادهم: بس كدا تعب عليها.
سليمان: ملكش انت دعوة اى رأيك ي دنيا.
دنيا وابتسمت ل جدها: اللى انت تقوله ي حبيبي هو اللى هيمشى.
سليمان وابتسم: حبيبة جدها دى هاا ي ادهم.
ادهم: اوكى تمام لما تخلصى اكل تعالى اوضتى هوريكى حاجة.
دنيا: حاضر.
اسر وهمس ل عمر: جدك حط البنزين جمب النار وشكلها هتولع.
عمر بهمس هو كمان: اتفرج وانت ساكت.
ملك: انتو بتقولوا اى.
عمر وبصلها: بقولوا هطلع فوق اصل عايزك ف موضوع مهم.. وراح غمز ليها خلى كل اللى قاعد ابتسم.
ملك بعصبيه وهمس: قليل الادب.
عمر وهمس ليها: منك نتعلم ي حبيبتى كلى المكرونة تحفه تسلم ايدك ي مرات عمى.
كريمة بحب: بالهنا والشفا ي حبيبي.
....................................................................
باليل ف اوضة شمس كانت رايحة ف النوم لحد ماصحيت على خبط الباب.
شمس قامت فتحت بنوم: اى ف اى.
اسر: هو انا صحيتك معلش افتكرتك صاحيه.
شمس بإستغراب: ف حاجة ي ابيه.
اسر: كنت جعان بس ماما نايمة تعبانة و مراتات اعمامى الاتنين هتكسف اصحيهم وملك مع عمر ودنيا حرام اصحيها ادهم من النجمة هيصحيها ف جتلك.
شمس: حاضر ثوانى وهجبلك الاكل اوضتك.
اسر: لاء انا قاعد ف الجنينة هاتيلى هناك.
شمس: حاضر.
شمس نزلت جهزت ليه الاكل وراحت لاقته قاعد وفاتح الاب توب بيتفرج على فيلمه المفضل.
شمس: دا الجزء الكام دا.
اسر: انتى تعرفى انا مشغل اى اصلا علشان تسالى جزء اى.
شمس وهى بتحط الاكل قدامه: مش محتاجة اشوف انت بتحب سلسلة افلام هارى بوتر ف الجزء الكام.
اسر وابتسم: التانى.
شمس هزت دماغها: اوكى تصبح على خير.
اسر: شمس.
شمس: نعم ي ابيه.
اسر: ماتخليكى معايا انا زهقان.
شمس وقعدت ولفت الشال اللى اسر كان حاطة على كتفه لفته عليهم هما الاتنين.
اسر ابتسم وقعد ياكل وشمس بصاله بحب واول لما يبصلها تبص للفيلم.
بعد فترة اسر حس بتقل على كتفه بيبص لاقها نامت ابتسم ورجع تابع الفيلم لحد هو كمان ما راح ف النوم.
....................................................................
تانى يوم
سليمان بغضب: اسرررررررررر...........
#بقلمى_ملك_يسرى
